செவ்வாய், 30 ஜனவரி, 2024
மீளவும் வரப்போவதில்லை
திங்கள், 29 ஜனவரி, 2024
ஞாயிறு, 28 ஜனவரி, 2024
வேரறுந்த வாழ்வில் வாசமில்லை
வேரறுந்த வாழ்வில் வாசமில்லை
வெள்ளி, 26 ஜனவரி, 2024
எனது வாழ்விடம் காணாமல் போயிற்று
எனது வாழ்விடம் காணாமல் போயிற்று
ஞாயிறு, 21 ஜனவரி, 2024
இழப்பதற்கும் எதுவுமில்லை
மனதிற்குள் சுழலும் கூரான சக்கரம்
சதா உழலும் நெருடும்வலி
யாரோடும் பகிரா காயம்
உயிரிருக்கும்வரை தீமிதிப்பு
கனவுமில்லை இதயமுமில்லை
சிரிப்பதிலும் உயிரில்லை
நினைப்பதுபோல் நிஜமுமில்லை
இழப்பதற்கும் எதுவுமில்லை
இழப்பதற்கும் எதுவுமில்லை
சனி, 20 ஜனவரி, 2024
மனதில் வெட்கையெனினும் வளவினுள் வெள்ளம்
நான் சிறுவன்
வேலியில் ஒரு பெரிய பூவரசு
அம்மம்மாவின் வயதிருக்கும்
பச்சை இதயமாய் விரிந்த இலைகள்
மஞ்சள் இலைகளின் நிலக்கோலம்
இலைகள் ஆட்டுக்கு குழை
எங்களுக்கு பீப்பீ
சிறார்களுக்கு உள்ளங்கை கோப்பை
பூவரசு அணில்களின் கோட்டை
புலுனிகளின் கச்சேரி மேடை
கண்களுக்கு மட்டுமல்ல மனதிற்கும் குளிர்மை
பூவரசின் நீண்டகிளைகள்
கதியால்களாகும் நம்பிக்கை
பூவரசம்பூ பூவுலகின் அதிசயம்
பிறிதொருநாள்
பூவரசு பட்டு விறகாகியிருந்தது
அந்த இடத்தில மதில் ஓடிற்று
நிழல் இல்லை
மதில் மேல் பூனை
மனதில் வெட்கையெனினும்
வளவினுள் வெள்ளம்
மனதில் வெட்கையெனினும் வளவினுள் வெள்ளம்
வெள்ளி, 19 ஜனவரி, 2024
"கவிதையை எழுதாதே கவிதையாய் வாழ்"
"கவிதையை எழுதாதே
கவிதையாய் வாழ்"
நண்பா!
நீ வாசிக்கமுடியாமல் போன
கவிதையை
நான் எழுதப்போவதில்லை
அதுவும்
உன்னோடு போனதாய் இருக்கட்டும்
உன்னருகில் வரும் நாள்
உனக்காய் நான் எழுதுவேன்
தோழ மை கொண்டு
"கவிதையை எழுதாதே கவிதையாய் வாழ்"
ஞாயிறு, 14 ஜனவரி, 2024
இன்னும் நாம் உயிர்க்கவில்லை
வாழவேண்டிய தோழன் வீழ்ந்தான்
ஒவ்வொரு தோழராய் இழந்தபடி - தினம்
மனம் பிசையும் வேதனையை சுமந்தபடி
தணல் மீது தொடர்ந்தும் நடந்தோம்
மயிரிழையில் உயிர்தப்பி தப்பி
எதற்கும் தயாராய் உழைத்தோம்
உலகமறியா அர்ப்பணிப்புகளுடன்
ஒருநாள் யாவும் முடிந்தாயிற்று
எதுவுமில்லை
யாரும் காணா இருள்
அழக்கூட முடியவில்லை
வெறும் துடிக்கும் இதயத்தை
கையிற்குள் இறுக்கிப் பொத்தியபடி
வாழும் பிணமாக ஊர்ந்தோம்
இன்னும் நாம் உயிர்க்கவில்லை
இன்னும் நாம் உயிர்க்கவில்லை
சனி, 13 ஜனவரி, 2024
வெள்ளி, 12 ஜனவரி, 2024
நெஞ்சினுள் ஒரு நெருஞ்சிமுள்
வழுக்கையாறு வாய்க்காலிருந்து
கூப்பிடு தூரத்தில் மூன்று வயல்கள்
வரம்புக்கட்டுவதும் மூலைகொத்துவதும்
நெல் விதைப்பதும் களைபிடுங்குவதும்
வயலின் பசுமையில் நாங்களும் இருந்தோம்
இருபோக விதைப்பு
சிலகாலம் ஒருபோகமானது
மூன்று வயல்களிலும்
வெவ்வேறு நெல்லினங்கள் விதைப்போம்
ஒன்று பிழைத்தாலும் மற்றையது கைவிடாது
நானறிந்து நட்டம் ஏற்பட்டதில்லை
இறுதி பலவருடங்கள்
யாரோதான் செய்தார்கள்
செய்தார்களோ இல்லையோ தெரியவில்லை
பயிர்களோடு சேர்ந்து அசையும் மனம்
புலுனிகளும் வேறு குருவிகளும் பாடும் இசை
வயலோடும் வயலை சுற்றியும் நட்புவட்டம்
முதல் நெல்லில் பொங்கும் பொங்கல்
அரிசிமா மணக்கும் கொழுக்கட்டை
அறுவடையும் சூடடிப்பும்
வைக்கோலும் அந்த சுனையும்
எப்படி மறப்பது?
மூன்று தலைமுறையின்
வியர்வை கலந்த மண்
பார்க்க ஆட்கள் இல்லை
வயல் விற்பனையாயிற்று
வயலில்லா முதல் பொங்கல் நெருங்குகிறது
நெஞ்சினுள் ஒரு நெருஞ்சிமுள்
வயல்கள் வீடாக மாறும் காலம்
நெஞ்சினுள் ஒரு நெருஞ்சிமுள்
ஞாயிறு, 7 ஜனவரி, 2024
சனி, 6 ஜனவரி, 2024
புலம்பெயர்வு
புலம்பெயர்வு
வசதி வாய்ப்புகளை தந்திருக்கலாம்
ஏன்?
(போலிப்)பெருமையை கூட தந்திருக்கலாம்
இருந்துமென்ன
அவரது சந்ததி அடையாளம் இழக்கும்நாள்
வெகுதொலைவில் இல்லை
உழைப்பின் வலி தீரமுன்
கொடுக்கும் விலை கொடியது
புலம்பெயர்ந்தோர் புலன்பெயர்ந்தவரல்ல
நீரும் எண்ணெயுமாய் அங்கும் இங்கும்
புலம்பெயர்வு
வெள்ளி, 5 ஜனவரி, 2024
குழந்தைகளுடன்
நட்பாகும் மருத்துவன்
வாழ்நாள் பேறுபோல
குழந்தை வளர வளர
நட்பின் வயதும் வளரும்
குழந்தை பெரியவராக
அவரது உலகம் வானத்தில் விரிந்திக்கும்
நட்சத்திரங்களாய்
குழந்தையும் மருத்துவனை மறப்பதில்லை
மருத்துவனும் குழந்தையை மறப்பதேயில்லை
நீண்ட இடைவெளியில் திடுதிப்பென சந்திக்கையில்
குழந்தையே மருத்துவனாகிறான்
மருத்துவனே குழந்தை போல்
ஒரு நோயாளியாக