நேற்றைய நாளின் மனஇறுக்கம்

இன்று (27/09)
என் ஒன்றுவிட்ட சகோதரனின்
நினைவுநாள்
கிளி மீட்புப்போரில் (27/09/98)
கிளி குளக்கட்டில் எமைப்பிரிந்தான்
யாழ் பல்கலை கல்வியைக்கைவிட்டு
கவியரசன் ஆனான் - இன்று
துயிலுமில்லத்திலும் அவன் இல்லை
படமாயும் அவன் இல்லை
தெரிந்தவர் மனங்களில் மட்டும்
நேற்றைய நாளின் மனஇறுக்கம்
இன்றும் தளரவில்லை  

நேற்றைய நாளின் மனஇறுக்கம்

திலீபனின் நினைவுடன்

திலீபனின் நினைவுடன்

ஒரு காலத்தை பூதம் விழுங்கிக்கொண்டிருக்கிறது

ஒரே நாட்டில்

பெரு இனத்தின் அடக்குமுறைக்கெதிராய்  

சிறு இனம் போராடிற்று

பெரு இனம் ஒரு அரசு

பல அரசுகளின் ஒத்தாசையும் இருந்திற்று

சிறு இனத்திலும்

சிறு பகுதியே பளு சுமந்திற்று

சில குடும்பமாயும் பளு சுமந்திற்று

போராட்டத்தை

சர்வதேசம் நசுக்கிற்று

இழப்புகளின் தோல்வியை

விடுதலையின்  தோல்வி விஞ்சிற்று

பளு தூக்கியவர் கஞ்சிக்கு ஏங்கினர்

தணல் மீது உறங்கினர்

தத்தளித்த வாழ்வில் குடும்பமாய்

மறு பக்கமும் இருந்தது

சிறு இனத்தின் ஒரு பகுதி

கலக்கிய குட்டையில் மீன் பிடிக்கிறது

அறுவடையை களவாடி

வரலாற்றை திரிக்கிறது

உயிர்ப்பூக்கள் இல்லாத பூமியில்

காகிதப்பூக்கள் கொண்டாடப்படுகின்றன

இப்படியே ஒரு காலத்தை

பூதம் விழுங்கிக்கொண்டிருக்கிறது

ஒரு காலத்தை பூதம் விழுங்கிக்கொண்டிருக்கிறது

மேகம் அழுதாலும் ,கடவுள் அழுதாலும் கரைக்கமுடியா கல்லாகிறது உலகு

மேகம் அழுதாலும் ,கடவுள் அழுதாலும் கரைக்கமுடியா கல்லாகிறது உலகு

சதா சகாக்களின் நினைவில்--

விடுதலை இயக்கமும்

ஒரு குடும்பம்தான்

இரண்டு/மூன்று தலைமுறைகள்

ஒன்றாய் வாழ்ந்தன

கவலைகள் இருந்தன

பிணக்குகள் இருந்தன

இருந்தும்

மகிழ்வுக்கு எல்லை இல்லை

சதா சா விழுங்கிய போதும்

மக்கள் நினைவில் வாழ்வு கரைந்திற்று

பிறந்த போது

பல உறவுகள் இருந்தாலும்

இயக்க குடும்பமே

உறவின் மேலாயிற்று    

உலக சூழ்ச்சியால்

குடும்பகூடு எரிந்தாலும்

எஞ்சியோர்

அகிலமெங்கும் சிதறினர்

அநாதைகள்  ஆகினர்

கல்லில் நாருரித்து  

வாழ்வை மீள இழுத்தாலும்

ஒட்டவில்லை பூமியில்

சதா சகாக்களின் நினைவில்

பாரமாகிறது மனசு

நகரமுடியாமல்

சதா சகாக்களின் நினைவில்--

எத்தனை காலம் பொய் வாழும்?

எனது
தாயை தந்தையை பார்த்து
பல ஆண்டுகள் கடந்துவிட்டன
தனித்து,தள்ளாத வயதில்
படலையை பார்த்து
எத்தனை காலம் வாழ்வர்?
வேளைக்கு உணவு ?
நோயிற்கு மருந்து?
விடியாத வீட்டில் வாழ்வு?
என் மனக்கண்ணுக்கு தெரிகிறது
எப்படிச்சொல்வது ?
நான் வரமாட்டேன் என்று
சொல்கிறேன் பொய்
"விரைவில் வருவேன் "
உயிரை கையில் பிடித்து காத்திருப்பு
எத்தனை காலம் பொய் வாழும்?

எத்தனை காலம் பொய் வாழும்?

போராளி

எனக்கு
இனம்,மதம்,மொழி
பிரிவு இல்லை
மனிதரில் வேற்றுமை இல்லை
மனித சமத்துவமே எல்லை
எல்லையே என் காலை மாலை இரவு
உயிர் காத்தல் தொழில்
அன்பு : நான்வாழும் வெளி
என் அடையாளம்: போராளி      

போராளி