நம்பிக்கை

வருடம் கழியும் வெறுமையில்
வருடம்பிறக்கும் வறுமையில்
ஒரு வருடம் கூடுகிறது
இறுதிவார்த்தை பகிர்ந்து ,
காணாமல் போய்,சிறைக்குள்
புதுவருடம்
வழமைபோல் உலகதிருவிழா
போரில்உ லகிடம் தோற்றோம்
நிலத்திலும் புலத்திலும்
நாளும் அடையாளம் இழக்கிறோம்
நாளாந்தவாழ்வில் எதிர்காலத்தை
புதைக்கிறோம் - இருந்தும்
நம்பிக்கையை விதைக்கிறோம்
"நவீன உலகில்
எதுவும் சாத்தியமாகலாம் "

வருடம் கழிகிறது
பல கனவுகளை மீள நினைக்கிறேன்
2000  இல் கிளிநகரின் திட்டமிடலில் ஒருவன்
அறிவியல் நகரில் ஆயிரம் கனவுகள்
முருகண்டியில் எழுபது ஏக்கரில் மைதானம்
இரணைமடுவில் "தாயகம்" மருத்துவமனை
அதன் பணிப்பாளராக நியமனம் (2004 )
கிளிமருத்துவமனை முன் மருத்துவ ,உணவு ஆய்வுகூடம் (2008 )
மாங்குளத்தில் பெருநகர் திட்டமிடல்
தமிழீழத்தின் சுகாதாரதிட்டமிடல் (2007 )
இன்னும் இன்னும் பல கனவுகள்  
கருவில் கலைந்தநினைவுகள்        

நம்பிக்கை

என் மரியாதை எப்போதும்

பிடல்
ஒரு காலத்தில்
எங்களுக்குள் புதுந்துகொண்டவன்
கியூபாவிற்காக மட்டும் வாழ்ந்தவன்
சே அப்படியல்ல
அவன் மக்கள் விடுதலைக்காய் பிறந்தவன்
பிடல்
அதிபராக இருக்கும்போதும்
கரும்புத் தோட்டத்திலும் வேலை செய்தவன்
சே
பதவி வேண்டாம் என்று
பொலிவியாவின் மலையொன்றில்
வீரச்சாவு அடைந்தவன்
பிடல்
பெண்பொறுக்கிதான்வென்றதால் போற்றப்படுகிறான்
ஈழத்தமிழனின் குருதியை
ஐ நாவில் கூட தண்ணீராய் பார்த்தவன்
கியூபாவின் விடுதலைப்போர்
ஈழப்போரின் கனதியில் ஒரு தூசு
இருந்தும்
அமெரிக்காவிற்கு சவாலாகவே இருந்தான்
அந்த வீரத்திற்கு
ஒரு மதிப்பை விரிக்கிறேன்
என் மரியாதை எப்போதும் என்னவனுக்குத்தான்

     

என் மரியாதை எப்போதும்

கண்மூடியசகோதரர் "குழந்தைகளை"
கண்மூடமுன் பார்ப்பேனா?
நாடு இழந்தவனின் அவா 

கடமையில் மூழ்கியிருந்தோம்

16/ 05/2009 , மாலை ஐந்து மணியிருக்கும் என ஊகிக்கிறேன். நானும் சுதர்சனும் காயமடைபவர்களுக்கு முதலுதவி செய்து கொண்டிருந்தோம். இரண்டு சுமார் பத்து,பன்னிரண்டு வயது சிறுவர்கள் தனித்தனி சிறு உருளை மூட்டை வடிவில் சேலையால் சுற்றி இரத்தத்துடன் விக்கி விக்கி அழுதபடியே தூக்கிபோனார்கள் . என்ன என்று வினவினேன். தாய் ஷெல்லில் வயிற்றோடு சிதைந்து போனதாகவும் நெஞ்சோடு தலையும் ,இடுப்போடு கால்களும் உள்ளதாக. நான் எங்களது பங்கரில் போட்டு மூடச்ச்சொன்னேன்.   இல்லை தங்களது தங்கையிற்கு காட்டவேண்டும் என்று நிலத்தில் படாமல் தூக்கியபடியே போனார்கள். நாங்கள் சர்வசாதாரணமாக எங்களின் கடமையில் மூழ்கியிருந்தோம்.    

கடமையில் மூழ்கியிருந்தோம்

போராடு! உழைப்பிற்கு ஊதியம்

உடன்பிறப்புகளே!
தோள்கொடுக்க முடியவில்லை
எம் தார்மீக ஆதரவு உங்களுக்குள்
யாரும் உங்களுக்காய் இல்லை
ஏணியாய் வாழ்ந்தது போதும்
சோராது பயணியுங்கள்
கூடவரமுடியவில்லை
மலையில் இறங்கும் அருவியில்
மாரியம்மன் பஜனையில்
சிலிர்த்து உரசும் காற்றில்
நாம் இருப்போம் உயிராக  
அன்புடன்

போராடு! உழைப்பிற்கு ஊதியம்

இலங்கையில் தமிழ் அழியாது

இலங்கையில் தமிழர் என அடையாளப்படுத்துவோர், சிங்களவர் என அடையாளப்படுத்துவோர்,முஸ்லீம்கள் என அடையாளப்படுத்துவோர் வாழ்கின்றனர். காலப்போக்கில்   தமிழர் என அடையாளப்படுத்துவோர் தமது அடையாளங்களை  இழந்துபோனாலும் இலங்கையில் தமிழ் அழியாது தமிழ் பேசும் முஸ்லீம்கள் அதை வளர்த்துச்செல்வர் .தற்போது இலங்கையில் 30 % தமிழ் பேசுகிறார்கள் இன்னும் நூறு வருடத்தில் 45% தமிழ் பேசுவார்கள்.இன்னும் நூறு வருடத்தில்புலம் பெயர்ந்த தமிழ் சமூகத்தில் அரைவாசியாவது --? 

இலங்கையில் தமிழ் அழியாது