அவரவர் வாழ்வு அவரவர் விருப்பம்

   

முகத்திரை (நிகாப் ) மூடி 

கடந்துபோகிறாள் தங்கை 

அவளுக்குள்ளும் ஒரு உலகம்  

அவ் உலகில் அவள் மட்டும்தான் 

சிரிப்பாளா? அழுவாளா? 

யார் அவள் ?

கூட்டினுள் மகிழும் பறவையா?  

தவறு செய்யாத ஆயுள்கைதியா ?

என் தேசவிடுதலைபற்றி 

இவளிடம் எப்படி சொல்லுவேன் ?

அவரவர் வாழ்வு அவரவர் விருப்பம்

அவரவர் வாழ்வு அவரவர் விருப்பம்

சாம்பலாய் பூத்துக்கிடப்பது அதே கனவுதான்

 ஒன்றானதும் ஒன்றாகாததுமாய்

அமைதியும் அஸ்தமனமும் ஒட்டியிருக்கிறது 

பிரிவும் நினைவும்போல 

அளவு கடந்த தியாகங்களை 

அறிந்தவை 

அந்தமண்ணும்  இந்தவானமும்தான் 

குருதியால் எழுதிய வரலாறை 

எரித்தாலும்

தோண்டி தோண்டி எடுத்து எரித்தாலும் 

சாம்பலாய் பூத்துக்கிடப்பது 

அதே கனவுதான்   

சாம்பலாய் பூத்துக்கிடப்பது அதே கனவுதான்

 அதிவேக இலத்திரனியல் ஊடகவுலகில்   

முகவரி அற்று நான் வாழ்ந்தேன்  

ஒரு கனா கூட காணமுடியாமல் 

நித்திரையை தொலைத்திருந்தேன் 

தாய்நாடு இழத்தலின் வேதனையை 

உடலணுவெல்லாம் சுமந்திருந்தேன்

 

தேசக்குழந்தை பிறக்குமென்று 

தாலாட்டுப்பாடலொடு காத்திருந்தவர்

விடியுமென்று விடிய விடிய விழித்திருந்தவர் 

இதயம் எரிய எரிய   

யாருமறியாமல் உலகப்பந்தில் ஓடித்திரிந்தனர்