நான் சிறுவன்
வேலியில் ஒரு பெரிய பூவரசு
அம்மம்மாவின் வயதிருக்கும்
பச்சை இதயமாய் விரிந்த இலைகள்
மஞ்சள் இலைகளின் நிலக்கோலம்
இலைகள் ஆட்டுக்கு குழை
எங்களுக்கு பீப்பீ
சிறார்களுக்கு உள்ளங்கை கோப்பை
பூவரசு அணில்களின் கோட்டை
புலுனிகளின் கச்சேரி மேடை
கண்களுக்கு மட்டுமல்ல மனதிற்கும் குளிர்மை
பூவரசின் நீண்டகிளைகள்
கதியால்களாகும் நம்பிக்கை
பூவரசம்பூ பூவுலகின் அதிசயம்
பிறிதொருநாள்
பூவரசு பட்டு விறகாகியிருந்தது
அந்த இடத்தில மதில் ஓடிற்று
நிழல் இல்லை
மதில் மேல் பூனை
மனதில் வெட்கையெனினும்
வளவினுள் வெள்ளம்
கருத்துகள் இல்லை:
கருத்துரையிடுக