ஞாயிறு, 26 மே, 2024
சிலந்திவலையில் சிக்கியது மனம்
நாம் சிறுவயதில் வாழ்ந்த வீடு
கைவிடப்பட்டிருக்கிறது
பாழடைந்துவிட்டது
சிலந்திவலையில் சிக்கியது மனம்
மெல் ஒலியில் பாடல் கேட்கும் வீட்டில்
பல்லிகள் சொல்லும் சத்தம்
வளவின் ஒவ்வொரு சாணிலும்
நினைவுகள் சிந்தியிருக்கின்றன
நடைபாதையில் வடலிகள்
பாசி படர்ந்திருக்கும் கிணற்றில்
பழைய மீன்களின் வழித்தோன்றல்கள்
சுற்றியிருந்த வெளிவளவில் மாளிகைவீடுகள்
காணாமல் போயிருந்த காலத்திலும்
ஒரு வரலாறு கட்டப்பட்டிருக்கிறது
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக