இராணுவம் ஏவிய செல் விழுந்து முழங்கியது
ஈனக்குரல் எங்கிருந்தோ வருகிறது
புகை வந்த திசை நோக்கி ஓடினேன்
ஒரு தாய் பாரிய வயிற்றுக்காயம்
கால்கள் இரண்டும் சிதைந்து கிடக்கிறது
அருகில் கிடந்த குழந்தையை தூக்கி
முத்தமிட்டு கிடத்தியபின் இறக்கிறாள்
இறப்பை உறுதி செய்வதைவிட
வேறு என்ன செய்யமுடியும்
குழந்தையை சோதிக்கிறேன்
எந்த காயங்களும் இல்லை
குழந்தையின் கன்னத்தில்
தாயின் முத்த அடையாளம்
நெற்றியில் இரு கண்ணீர்த்துளிகள்
கருத்துகள் இல்லை:
கருத்துரையிடுக